開心閒遊迪士尼

Y-BLOG 將會係12月關閉,

我地會依然係y-blog繼續分享, 直到10月30進入唯讀止

我地亦決定會轉去Blogspot繼續同各位分享B の家既開心事
http://billynvivian.blogspot.sg/

所以現在會Y-Blog & Blogspot 兩邊同步

各位亦可EMAIL比我地, 與我們聯絡

EMAIL : billywan071118@gmail.com

**********************************************************************

早前出席迪士尼 EVENT,

由於活動係晚上,

我地早少少入迪士尼, 比芯芯係樂園玩一陣!!

而且開學初期, 芯芯仲未適應返上午班,

見對一班新同學始終仲未熟悉, 會有點唔習慣,

都搞到芯芯學期初有點唔開心, 仲掛住下午班同學仔添!!

迪士尼真係一個開心既地方,

芯芯入到黎已經忘記唔開心既事,

不停叫出米奇, 米妮既名字, 指定要同他們影相!!

今次仲指定要坐火車添!!

好耐冇坐火車啦!!

當日唔算多人, 大陸人又唔算多, 坐得舒服!!

坐左半個圈, 到達幻想世界火車站落車!!

九月天氣依然好熱, 更係要食枝雪條消下暑啦!!

雪糕/雪條真是小朋友恩物!!!

芯芯頭上米奇米妮頭飾好靚架!!

仲買埋米奇頭曲奇, yummy



芯芯指定搵Minnie影相



芯芯見到Minnie勁開心, 仲將頭飾比Minnie睇!!

搵完Minnie, 更係搵埋Mickey啦!!

迪士尼火車

遇見Minnie & Pooh 返屋企飲水, 嘻嘻!!

YEAH.....等到米奇返黎啦!!

米奇研究緊芯芯既頭飾



 米奇仲鍚鍚芯芯添!!



 米奇仲發現芯芯件衫有自己女朋友米妮

笑.......齊齊影張相!!

芯媽都要搵至愛高飛影相!!



一家合照三缺一, 今次冇細佬份!!

係迪士尼仲遇到朋友,

大家年齡都差不多,

有機會下次約埋一齊玩,

小朋友一定玩得開心

見到大眼仔棉花糖, 又要食呀!!



拎上手, 特別開心!!



芯芯仲扮大眼仔, 搞笑!!



食完枝捧捧仲會發光, 又可以玩一陣!!



 準備離開, 過去酒店EVENT啦!!

沿途見到迪士尼樂隊,

哈哈,

影下靚仔靚女先~~~





雖然入PARK只係短短幾個小時,

已經可以另芯芯帶著歡笑離開,

哈哈, 芯芯當然玩到唔捨得走啦

下次黑色世界再入黎, 嘩哈哈!!

想知我地出席咩活動, 可睇返前一篇文章!!