2009年7月5日 星期日

小豆叮 の 我們準備中

3tuta8.gif image by binbintong3tuta8.gif image by binbintong3tuta8.gif image by binbintong


小豆叮踏入36 Weeks, 我地亦都要為小豆叮做足準備啦, 所以近排都掛住執野, 都搞到連續幾日都冇 UPDATE BLOG添, 希望各位見諒啦, 最近阿V既走佬袋亦都執好啦, 而小豆叮既物品都準備得八八九九, 繼早前送左BB床黎, 見上星期永安做緊大減價, 連續星期六日都出左去掃貨, 其實阿V有時都會覺得累, 而且小豆叮又成日腳橕橕頂住佢, 真係名副其實 "頂心頂肺' 呀, 所以阿V一見累, 都會拿拿臨買完就走人架, 等佢快D返屋佐可以休息嘛!!1


28 JUN 2009 (SUN)



哩一日係永安最後一日大減價, 我地近近地去左太古果間分店掃貨, 一去到BB用品部, 見到全部正價貨品都八折, 我地已經雙眼發光呀, 除左有八折外, 有D BB衫仲有半價 & 七折添, 我地手起刀落, 好快就揀左奶樽煲, 奶樽, 棉花(日本制), 妙巾(大量), 日本BB洗亡粉, 毛巾, BB衫 & 手套添, 今次真係收穫豐富呀, 而且我地又有禮卷係手, 埋單一計時都足足慳左 幾百蚊 架!!



哩兩日入面, 係H&M , 永安買左咁多野比小豆叮, 佢見到一定好興趣架, 拎外仲有件好得意既事, 就係每次去買BB用品時, 阿V話小豆叮次次都好興奮, 週圍郁黎郁去外, 仲會手橕橕腳橕橕架, 佢好似知道我地買野比佢, 話唔定佢係阿V個肚到開心到跳舞添, 唔通小豆叮真係咁叻????



除左我地買左好多野比小豆叮外, 連升格為 "阿姨" 既 Mi 姐, 都買左好多禮物比小豆叮架, 下面既襪仔, 就係Mi姐買比小豆叮架, 睇見D襪仔真係好 cute 呀!!



除左襪仔外, 仲有一套靚靚牛牛衫添, 阿V見到時勁開心, 仲有頂帽好得意呀!!!



小豆叮咁快已經收到咁多禮物, 未出世已經咁幸福啦!!


29 JUN 2009 (MON)



哩一日阿B請假留係BV HOME, 點解無端端請假??? 咪就係要做一件好重要既事, 煲薑醋呀, 因為由B媽出手煲薑醋, 因為B媽之前煲過好多次薑醋, 已經有好多經驗架, 為免B媽太辛苦, 所以阿B當然要幫埋手啦, 而B媽一早已經叫人幫20斤薑去晒D薑皮, 嘻嘻.....我地可以唔駛刨薑皮刨到手軟, 拎外B媽仲早一個星期拎左D薑, 仲要曬佢幾日添!!!



當日同B媽食完LUNCH, 就揸車去左八珍醬園買甜醋 & 買煲薑醋用既砂煲, 最後返去B媽屋企拎返曬去既薑, 齊晒所有野就返去 BV HOME開爐啦!!!



原來煲薑醋前, 仲要將D薑用油煎一煎兩面, 先可以放落D醋到, 而阿B仲比D彈到肚腩添, 搞到成個肚腩都一點點添!!! 拎外B媽教, 用大煲黎煲薑, 而細煲就煲定薑醋蛋比阿V, 仲要連殼一齊煲, 因為D蛋殼都有鈣質架!!!


而到小豆叮出世後, 準備請人食薑醋前幾日, 先再用細煲煲豬腳&雞蛋, 如果而家一齊煲埋豬腳&雞蛋, D豬腳會溶晒, 而雞蛋仲會實晒添, 佢話早幾日先煲豬腳&雞蛋, 就會好好味架!!!



B媽臨走前, 仲向阿B教路, 隔兩三日就要煲滚D薑醋添, 由而家煲到小豆叮出世後, D薑醋就會好好味架!!!



今次有B媽教路, D薑醋一定好好味架!!!


我地而家已經做好準備迎接小豆叮既來臨, 唔知佢會揀邊一日出黎同大家見面呢???



如果大家想知道小豆叮既最新既近況,

就要Click入去 "阿V" BLOG 到,

留意 "BV 小BV~小豆丁篇" 最新消息啦!!!