2014年3月6日 星期四

懷舊茶檔@充滿兒時回憶

 
自從由中環轉黎上環返工後, 真係不得了!!
尤其在午餐時候, 發覺上環在食店選擇種類已經優勝中環區,
對於我地又未算中產搵6/7千萬一個月, 但又未算在貧窮線上
價錢上以上環既消費更適合普通打工仔!!
 
上環租金亦相對靠中環平, 所以又算係商業區, 但亦有舊式住宅, 當然最出名就係海味街!!
就係哩點獨有特式, 可以拎我係區內尋回舊式既茶檔!!
不說不知, 原來發現區內有四檔舊式茶檔或冰室,  可能仲有其他尚未發現,
 
第一間推介, 位於上環文娛中心熟食街市, 瑞記咖啡
已經好耐冇踏足熟食街市啦, 尤記得細個時, 最喜歡去鵝頸街市熟食中心, 自從搬離CWB後,
對熟食中心真係越黎越陌生!!!
 
到達熟食中心,  瑞記咖啡位於角位, 應該唔難搵到!!
第一眼望見價目牌, 所以價錢用特別文字寫上, 其實仲有冇人識睇呢??
我都望記得七七八八, 現在連小巴亦都唔用哩種數字!!
睇見價錢, 一個字"抵"
 
 
係飲食網見到, 推介奶茶/咖啡, 仲有樽仔奶茶!!
個人比較喜歡後者!!
 
 
食物方面只有簡單麵食或三文治可選擇!!
全部食物都係即叫即做, 餐蛋麵都特別好味!!
 
 
仲有特別推介西多士, 有別於茶餐廳食到果種油炸西多士
麵包沾上蛋將, 煎兩面再加上練奶, 一食包你愛上!!
哩張相係FACEBOOK一出, 所有朋友試食後都一一愛上!!
 
 
現在熟食中心已經同以前有別, 有齊冷氣地方乾淨, 真係一個尋美食既好地方!!
 
百利冰室 上環店
總店係於西灣河舊式冰室, 應該由無記一個節目, 拎他們再次人山人海!!
 
哩間分店應該係慶祝總店50週年而開, 可以最近經過時, 已經結業, 想試就只有去西灣河
 
奶茶入口夠滑
 
 
推介蕃茄湯烏冬, 濃郁蕃茄味證明佢真正落足料
比中環某間勝XX排檔更加好味!!
 
 
蘭芳園
 
哩三個名應該不用多介紹, 位於結志街總店一定冇人唔識!!
而老細既兒子將TST開分店後, 再係上環信德中心再開分店!!
 

無次食必固蔥油雞扒撈丁, 仲有豬扒包都好好味, 不過掛住食冇影相!! 
 
 
而家凍奶茶已經冇左奶茶冰!! 
 
 
海安咖啡室
 
黎到最後一間啦, 哩間海安位於西港城附近, 單睇門面完覺懷舊風!!
 
幫襯舊式茶室, 更係叫杯至愛熱奶茶啦!!
 
不過個人覺得味道麻麻!!
 
 
 
LUNCH 時間, 依然有幾款茶餐可選擇!!! 
 
 
 
仲有一款餐牌上冇既麵食 "窩仔公司麵"
叫做公司, 固然係樣樣都有, 而麵就唔係用一丁, 而係用福字麵,
已經絕少地方用福麵啦!!
 
 
菠蘿油餐
 
仲有麵食配上!!
 
 
 
其實覺得食物真係一般, 不過店舖內外都充滿懷舊情懷!!!
 
唔知上環仲有冇其他特式茶檔呢??
現在係香港, 租金越來越貴, 舊式茶檔已經越來越少, 想懷念舊時真係要好好把握時間!!!